Drejtori i Juventusit, Federico Giuntoli, ka dalë në mbështetje të trajnerit Thiago Motta, duke këmbëngulur se puna e tij nuk është në rrezik pavarësisht largimit zhgënjyes të skuadrës nga Liga e Kampionëve dhe Kupa e Italisë.
Fitorja befasuese e Empolit ndaj Juventusit në çerekfinale ka shtuar presionin mbi Motta, i cili është në sezonin e tij debutues si trajner i Zonjës së Vjetër. Megjithatë, Giuntoli ka mbështetur Mottan, duke deklaruar se klubi beson në projekt dhe është i përkushtuar për të krijuar vlera.
“Ne besojmë në këtë projekt, pasi po krijojmë vlerë dhe është një plan i rëndësishëm për klubin. Sigurisht, ne pajtohemi me Thiagon kur ai thotë se performanca mbrëmë ishte e papranueshme”, deklaroi tha Giuntoli për Sky.
Komentet e Giuntoli do të vijnë si një lehtësim për Mottan, i cili është përballur me kritika për formën jokonsistente të Juventusit këtë sezon. Forma vendase e skuadrës është përmirësuar, por ata u eliminuan nga PSV në Ligën e Kampionëve dhe tani janë jashtë Kupës së Italisë.
Me titullin e ligës në dukje të paarritshëm, sezoni i Juventusit rrezikon të përfundojë pa trofe. Sidoqoftë, mbështetja e Giuntoli për Mottan sugjeron që klubi është i gatshëm t’i japë atij kohë për t’i kthyer gjërat në rrugën e duhur. /Telegrafi/
