Përveç ekipit të parë të Vllaznisë, edhe dy të tjera të klubit shkodran do të zhvillojnë miqësore këtë fundjavë në mungesë të ndeshjeve zyrtare.
Madje, ata do të luajnë ndaj njëra- tjetrës paraditen e së shtunës në fushën sportive “Reshit Rusi”. Bëhet fjalë për “Vllaznia B” dhe “Vllaznia U19” të cilat do të luajnë sëbashku në një ndeshje testuese.
Padyshim që ky takim do t’u shërbejë trajnerëve Kraja e Xhahysa të ekipit “B” dhe Zmijani e Kola të ekipit U19, për të parë edhe njëherë gjendjen e futbollistëve dhe njëkohësisht për të mos i lënë pa ndeshje këtë fundjavë.
Ata janë në pritje të vendimit të Federatës Shqiptare të Futbollit, për të mësuar nëse ndeshjet e shtyra të kësaj jave do të luhen të mërkurën apo fundjavën tjetër.
Deri atëherë nuk u mbetet gjë tjetër vetëm të stërviten dhe njëkohësisht të zhvillojnë edhe miqësore të tilla sepse janë shumë të nevojshme.
© shkodrasport.com
