Tjetër disfatë për ekipin e dytë të klubit shkodran. “Vllaznia B” është mundur edhe sot në Lezhë në kuadrin e javës së gjashtë të kategorisë së parë. Në ndeshjen e luajtur ndaj Besëlidhjes, ka qenë kjo e fundit që ka fituar 3-0. Takimi i luajtur pasditen e sotme, është dominuar nga lezhjanët të cilët kanë kaluar në avantazh që në minutën e 9-të me anë të Ajazit.
Po në pjesën e parë, ka qenë Bangoura ai që ka dyfishuar shifrat në minutën e 32-të. Pavarësisht zëvendësimeve të bëra nga trajneri Kraja në pjesën e dytë, gjërat nuk kanë ndryshuar për ekipin shkodran, madje në minutën e 89-të, Ajazi do të shënonte edhe golin e tretë dhe të fundit të ndeshjes. Përfundimisht 3-0 për Besëlidhjen ndërkohë që me këtë humbje, “Vllaznia B” mbyll tabelën e renditjes me vetëm dy pikë të grumbulluara në gjashtë javë kampionat.
© shkodrasport.com
