Në orën 14.00 në fushën sportive “Reshit Rusi” do të zhvillohet ndeshja e vlefshme për kategorinë e parë në mes Vllaznisë B dhe Erzenit të Shijakut.
Ky i fundit është ndër ekipet më të mira të kësaj kategorie dhe jo më kot mban vendin e dyë në renditje.
Megjithatë, trajneri shkodran Ervis Kraja është i bindur se skuadra e tij do të futet në fushë me objektivin e qartë për ta fituar këtë ndeshje.
“Vllaznia B” ka treguar rritje në lojën dhe rezultate në këto ndeshjet e fundit prandaj do të synojmë fitoren edhe ndaj Erzenit.
Kemi disa mungesa në këtë takim pasi nuk kemi asnjë futbollist nga ekipi i parë por dhe me kontigjentin që kam në dispozicion, do të synojmë fitoren”- është shprehur ai.
Shijakasit ndërkohë do të mundohen t’i afrohen edhe më shumë Kastriotit në renditje ngaqë ai është ndalur dje por do të hasin në një rezistencë të fortë të kuqebluve të cilët edhe ata “janë të etur” për pikë”.
www.shkodrasport.com
