Ekipi i Vllaznisë në futboll për femra ka arritur fitoren e rradhës, të tretën në po kaq ndeshje kampionat. Pasditen e sotme ajo ka fituar në Durrës ndaj Teutës vendase me rezultatin e thellë 5-0.
Duhet thënë se edhe në këtë përballje trajneri Leka ka aktivizuar disa lojtare të reja në formacion megjithatë kjo ndikoi aspak në lojë.
Goli i parë i ndeshjes do të shënohej nga e mirënjohura Megi Doçi ndërkohë që më pas do të bënte të njëjtën gjë edhe kamerunasja Atiock. Në minutën e 28-të Franja do të shënonte edhe golin e tretë dhe me këto shifra do të mbyllej pjesa e parë.
Në të dytën, ka qenë sërish Doçi që do të shënonte dhe më pas edhe Gruda, për ta mbyllur kësisoj ndeshjen me pesë gola të shënuar dhe asnjë të pësuar.
Vllaznia pas javës së tretë të kampionatit ka 9 pikë të plota, po aq sa edhe Tirana AS, Kinostudio dhe Apolonia.
Golaverazhi i ekipit shkodran është 20-0 dhe me siguri që këto shifra do të thellohene dhe më tej në javët e ardhshme.
© shkodrasport.com
