Situata e Vllaznisë ku kuqeblutë rrezikojnë rënien nga Kategoria Superiore padyshim ka nxitur reagime të shumta.
Një prej atyre që ndoshta ka reaguar edhe disi ashpër është edhe ish-sulmuesi i kuqebluve, Armando Vajushi.
Shkodrani që luan në Serie B me Avellinon bëri një postim në rrjetet sociale.
Ai shkruan: ” Turp t’ju vijë për këtë gjë që keni bërë. Turp dhe faqja e zezë. Sot vdiq djepi i futbollit dhe e gjithë Shkodra bashkë me të.
Me pas pak nder duhet me heq fanellat e të largoheni vetë ju bashkë me ato drejtues që kanë gjithë këto vite që nuk e dinë çfarë është emri Vllazni dhe prandaj e çuan Vllazninë deri në këtë gradë.
Larg duart prej Vllaznisë se është e shenjtë…”
