Klubi Vllaznia më në fund ka dalë me një deklaratë për mediat për të shpjeguar ndodhitë e ditëve të fundit. Në pak rreshta, klubi shkodran e ka pranuar problematikën e situatës së krijuar, por ndërkohë ka bërë të ditur se ende nuk ka një vendimmarrje.
Njëkohësisht, klubi ka bërë të ditur se stafi do të vazhdojë punën dhe nuk bëhet fjalë për dorëheqje të administratorit Lici apo trajnerit Canaj siç është aluduar.
Ja deklarata e plotë e klubit kuqeblu:
DEKLARATË PËR MEDIAT
Klubi I Futbollit “Vllaznia”, në përgjigje të interesit public dhe të mediave sqaron sa më poshtë vijon:
Pasi jemi njohur me shqetësimin e ngritur nga stafi teknik ditët e fundit për veprime anti-sportive në ekipin e parë, po e shqyrtojmë me përgjegjësinë e duhur dhe në interesin më të lartë të klubit dhe tifozëve dhe në momentin kur të ketë një vendimmarrje, si gjithmonë, do t’I bëhet e njohur mediave dhe opinionit publik.
Po ashtu, sqarojmë se stafi I Klubit të Futbollit “Vllaznia” vazhdon I pandryshuar punën e tij të përditshme për të finalizuar objektivin e ringritjes në Superligë.
KF Vllaznia
