Duhej të ishte ndryshe por në fakt rezulton krejt tjetër gjë. Vllaznia dhe Dinamo, dy nga skuadrat që kanë shkruar historinë e futbollit shqiptar, do të përballen me njëra-tjetrën në një ndeshje të vlefshme për kampionatin e kategorisë së parë.
Për një arsye apo një tjetër, ato nuk po kalojnë momente të mira dhe e shohin veten në kategorinë inferiore. Megjithatë edhe aty duan ta thonë si duhet fjalën e tyre dhe jo më kot ndajnë vendin e parë
dhe të dytë të renditjes.
Për këtë arsye, përballja e kësaj jave në mes tyre merr edhe më shumë rëndësi sepse do të vendosë shumë gjëra që i takon ecurisë së mëtejshme në kampionat.
Shkodranët dhe dinamovitët e kanë nisur mirë kampionatin duke marrë secili nga dy fitore dhe do të tentojnë edhe të tretën.
Njëra do të fitojë, mbase mund të ndahen edhe në barazim por gjithsesi mbetet një sfidë për t’u ndjekur. Luhet këtë fundjavë në Shkodër dhe për këtë arsye, vëmendja do të jetë e gjitha e përqendruar aty. Kuqeblutë do të tentojnë padyshim fitoren për të filluar pastaj shkëputjen nga të gjithë rivalët e tyre.
www.shkodrasport.com
