Figura të njohura që kanë kontribuar apo vijojnë jenë në funksion tek Vllaznia si dhe specialistë, sportdashës e gazetarë, japin mendimet e tyre pse kuqelbutë janë në nivele kaq të dobëta
“Ndryshimi i presidencës, mungesa e harmonisë në ekip, mungesa e bashkëpunimit lojtarë-staf teknik-drejtues, humba ndaj Thunit si dhe mungesa e një brezi lojtarësh cilësorë shkodranë duke i shtuar këtu gabimet e trajnerit aktual duke ndryshuar boshtin e skuadrës”, janë arsyet për të cilat Vllaznia është në nivele shumë të dobëta si asnjëherë në historinë e saj. Në këtë konkluzion kanë arritur disa prej përsonave që kanë kontribuar për Vllazninë, apo dhe të atyre që janë në pozicione drejtuese. Në një opinion të tyre se për cilat arsye Vlalznia është në një situatë aspak komode për shkak të ndryshimit të presidencës apo të stafit teknik e lojtarëve? Kujtim Shaba në rolin e admiministratorit të klubit Vllaznia, Valter Fushaj si ish-president, Mirel Josa e Edi Martini si ish-trajnerë, Hysen Zmijani në rolin e specialistit të futbollit, Nikë Kodra si një ndër përsonat që kanë ndikim tek Vllaznia si drejtues i sporitit pranë Bashkisë, Roland Çomo në rolin e një sportdashësi dhe Gjergj Kola gazetar sportiv kanë dhënë opinionet e tyre duke arritur kështu në një konkluzion të përbashkët që Vllaznia është më të vërtetë në nivelet e saj më të dobëta si shkak i ndryshimeve qoftë të presidencës por dhe stafit tekik e lojtarëve. Ja dhe përgjigjet e tyre:
Edi Martini (Ish-trajner): “Mendoj që situate aktuale tek Vllaznia është shkak i tëgjitha ngjarjeve që kanë pasur njëra pas tjetrës. Qoftë nga ndryshimet tek presidenca dhe lëvijeve që janë bërë gjatë gjithë kësaj kohe që nga fillimi i këtij sezoni apo dhe nga skuadra që ka aktualisht Vllaznia. E them me bindje që kryesorja e rezultateve negative dhe të ecurisë jo të mirë të kuqebluve është mungesa e një ekipi konkurent. Më të vërtetë që në skuadër ka lojtarë të rinj shumë të talentuar por ato janë shumë heret për të marrë përsipër një peshë të rëndë dhe nuk mund ta përballojnë dot. Nuk përjashtoj që në skuadër ka element të mirë por që nuk mjaftojnë, prandaj dhe skuadra është në këtë gjëndje”.
Hysen Zmijani(Specialist futbolli) : “Sigurisht që ndryshimi i presidencës ka rolin kryesorë në skuadër. Këtu më pas hyjnë dhe hallkat e tjera që sigurisht janë të ndërlidhura me njëra-tjetrën. Përveç lagimeve si Sukaj apo Vajushi që për mendimin tim presidenca duhej të bëntë maksimumin që të mos largoheshin kanë dhënë ndikimin e tyre jo të mirë. Në krahasim me presidencën e kaluar mund të them se mund ti kishte shitur lojtarët për të mbushur arkën e klubit e sigurisht për të realizuar një merkato më të fortë dhe më cilësorë. Ndërkohë që gjërat janë lënë disi për ditën e fundit pasi në merkaton e janarit mund të marrim vetëm lojtarë që mbesin dhe jo ato që janë ndër më cilësorët. Prandaj thashë dhe më sipër që ndryshimi i presidencës është kryesorja për ecurinë jo të mirë të skuadrës së Vllznisë”.
Nikë Kodra(Sekretar i komisionit të sportit): “Ecurinë jo të mirë të skuadrës munde shoh për shkak të mungesës së një bashkëpunimi dhe mirëkuptimi nga të gjithë faktorët. Nuk dua të ndalem tek ndryshimi i presidencës apo stafi teknik e lojtarët. Për mua është mungesa e një fryme bashkëpunimi e mirekuptimi, lojtarë-staf teknik- presidencë- media, madje dhe opinionistëve nga më të ndryshëm. Po të kemi një gërshëtim më të mirë mund të them se dhe skuadra do të ishte në pozita më komode”.
Roland Çomo (Jurist, sportdashës): “Më vjen shumë keq për mënyrë se sip o shkon Vllaznia. Për mua gabimi kryesorë qëndron tek kalimi i klubeve në varësi të njesive vendore të qeverisjes. Mendoj që urgjentisht duhet të kërkohet ndërhyrje në legjislacionin e sportit për të filluar procedurat për privatiziin e klubit të futbollit dhe jo vetëm. Pastaj po të ndalem në detaje si tifoz mund të them se është dhe faji i stafit teknik. Në asnjë filozofi nuk njihet ku një trajner ndërhyn dhe prish boshtin e ekipit. Nomral që bëhen ndryshime apo përforcime por boshti i skuadrës nuk preket, këtë e them ngaqe dhe kam luajtur vetë futboll. Po ashtu dhe merkatoja është e dështuar ku afrohen lojtarë që jo vetëm janë më poshtë se lojtarët e Supërligës por nganjëherë vihet në dyshim a kanë qenë apo jo futbollistë. Sinqerisht që më vjen keq për Vllazninë dhe nuk e di se kur do të vijë koha që ta shikoj kampion”.
Gjergj Kola (Gazetar Sportiv) : “Mendoj që situate në të cilen ndohdet Vllaznia është si shkak i tre faktorëve. Së pari, ndryshimi i presidencës sigurisht që solli një çorientim në skuadër pasi lojtarët u ndjenë të pasigurtë dhe kërkuan që të largoheshin. Theksoj këtu që shumë prej tyre ishin dhe lojtarët kryesorë të skuadrës. Së dyti, ndryshimi i stafit teknik ka ndikim pasi lëvizjet që bëhen ose që u bënë ishin të detyruara për shkak të rezultateve jo të mira dhe natyrisht priten ndryshime për mirë. Së treti dhe që mendoj se ka rëndësi kryesore ka të bëjë me mungesën e lojtarëve shkodranë që duhet të përbëjnë Vllazninë. Tek kuqeblutë nuk ka një brez lojtarësh më eksperiencë siç ishin Sinani, Grima apo të tjerë që ti zëvëndësojnë ato. Ndërkohë që këto lojtarët e rinj që aktivizohen aktualisht u ka rënë një barrë e madhe për vetë situatën në të cilen ndodhet skuadra që nuk është e favorshme që ato të rriten sa më shpejt si futbollist. Të gjitha këto bëjnë që në fund Vllaznia të mos arrijë atje ku duhet me synimet e saj apo siç i shkon për shtat këtij ekipi”.
