Vllaznia e ka mbyllur me humbje edhe ndeshjen e fundit të kampionatit, atë të luajtur pasditen e së premtes në Korçë ndaj Skënderbeut me rezultatin 0-2. Megjithatë kuqeblutë kanë patur mundësi të bëhen pjesë e festës korçare të nisur menjëherë pas përfundimit të kësaj ndeshje pasi vendasit kanë fituar festimin e titullit të pestë kampion rradhazi. Sa I takon ndeshjes, edhe në këtë takim, shkodranët kanë luajtur me shumë mungesa dhe kuptohet që ato kanë patur ndikimin e vet në lojë. Berisha ka zhbllokuar rezultatin në minutën e 11-të të ndeshjes.
Një top që nuk zotërohet mirë nga portieri Sherri, goditet shpejt nga kosovari që e dërgon në rrjetë. Në fundin e pjesës së parë ndërkohë, Progni do të shfrytëzonte një top të ardhur nga krahu I djathtë dhe do gjuante saktë me të djathtën duke e dërguar topin sërish në rrjetë. Kaq do mjaftonte që korçarët ta ruanin avantazhin deri në fund pavarësisht përpjekjeve të futbollistëve të Vllaznisë për të shënuar golin e nderit. Përfundimisht 2-0 për Skënderbeun që e mbyll kampionatin me fitore ndërkohë që skuadra shkodrane nuk arrin të marrë pikë as në këtë takim. Pas përfundimit të ndeshjes, në stadiumin e Korçës ka nisur festa. Skuadra e qytetit të tyre ka fituar të pestin titull kampion rradhazi, duke bërë atë që se kishte bërë askush më parë. Vllaznia ndërkohë është gëzuar duke parë korçarët të festojnë ndërkohë që vetë ka harruar se kur e ka fituar titullin kampion për herë të fundit. Një sezon që duhet analizuar me kujdes dhe për më tepër duhet menduar për një organizim ndryshe të skuadrës për t’u rikthyer tek sukseset e munguara.
