Tek Vllaznia e sivjetme është krijuar ideja që kanë ardhur shumë lojtarë joshkodranë dhe kjo padyshim që nuk është diçka e mirë sepse në fund të sezonit shumë prej tyre nuk do të jenë më pjesë e skuadrës.
Në opinionin sportiv shkodran ka një ide që drejtuesit nuk janë duke menduar fare për elementin e ri, por në fakt nuk është kështu. Aktualisht janë plot 7 lojtarë të datëlindjeve 2000 dhe 2001 të cilët janë konsiderohen elementë të perspektivës.
Po kush janë këto futbollistë? E nisim nga portieri Kristi Qarri, për të vazhduar me mbrojtësit Enes Isufi dhe Elmir Lekaj, mesfushorët Eraldo Deda, Olsi Mali dhe Uheid Hoxha si dhe sulmuesin Mehdi Çoba.
Me të gjithë ata janë firmosur kontrata afatgjata, që do të thotë se drejtuesit mendojnë që ata të jenë baza e Vllaznisë edhe për vitet e ardhshme. Duke iu shtuar atyre edhe të tjerë të rinj që do të evidentohen në vazhdim, duket se baza e ekipit do të jetë e sigurtë.
Kjo është diçka shumë pozitive sepse Vllaznia është shquar si një nga ekipet që ka prodhuar lojtarë të rinj më shumë se çdo ekip tjetër dhe kjo traditë duket se do të ruhet./SHKODRA-SPORT.COM/
