Sot u luajt edhe ndeshja e javës së 6-të mes Vllaznisë dhe Egnatias. Dueli përfundoi në shifrat 0-2 për miqtë. “Shkodra Sport” përveç lajmeve në kohë reale për ndeshjen, jep edhe disa “pikante” të duelit mes kuqebluve dhe rrogozhinasve.
-Para nisjes së ndeshjes bëhet edhe prezantimi i sponsorit gjeneral të Vllaznisë për këtë sezon, që do jetë kompania e sigurimeve “Sigal”.
-Në stadium vihen re shumë ish-futbollistë të Vllaznisë, por ajo që bën përshtypje është prania e Diego Longos. Ish-trajneri kthehet në “vendin e krimit”, ku pas humbjes me Vllazninë 2-0 javën e shkuar, u largua nga stoli durrsak.
-Nuk ka edhe aq shumë tifozë të pranishëm në shkallët e stadiumit “Loro Boriçi”.
-Dy kapitenët e dy skuadrave janë dy golashënuesit më të mirë të kampionatit me 5 gola. Balaj tek Vllaznia dhe Dwamena tek Egnatia.
-Memelli e ka në një çast me Gruden, i cili jep një pasim të gabuar. Gjë që e nervozon trajnerin e shkodranëve.
-“Shkëndija” në mesfushë mes Krymit dhe Zejnullait. Të dy mesfushorët gati sa nuk kapen me duar mes tyre.
-Tetova nxehet me Spahiun, kur ky i fundit godet portën e ndërsa trajneri i sugjeron të pasonte për shokët.
-Nxehet situata në “Loro Boriçi”, Dragoshi ndëshkohet me karton të kuq pas rishikimit nga VAR. Tifozët nuk e pranojnë një vendim të tillë të Shahinit. E ndërsa del nga fusha, Dragoshi kapet edhe Spahiun, lojtarit ndaj të cilit shkaktoi faullin që solli të kuqin.
-Protesta nga stafi teknik i Vllaznisë, që kërkojnë karton për një lojtar të Egnatias. Nuk është i këtij mendimi Shahini.
-Memelli i kënaqur me lojën në defensivë të skuadrës së tij ndërsa Tetova kërkon një ritëm tjetër nga të tijët.
-Sërish protesta tek Vllaznia ndaj Shahinit, kjo pasi ky i fundit nuk ndëshkon Memollen pas një ndërhyrje të ashpër ndaj Pusit.
-Ideal Lekiqi, trajneri i portirëve të Vllaznisë e ka me Aleksin. Ai dhe mesfushori i rrogozhinasve konfliktohen në distancë dhe duhet ndërhyrja e të tjerëve që të mos kapen mes tyre.
-Sërish tension mes lojtarëve, është Spahiu që me gjestet e tij provokon ndaj Balajt dhe Krymit.
-Ka vërshëllima në momentin e zëvendësimit të Spahiut. Publiku shkodran nuk pajtohet me sjelljet e tij që bëri në fushë.
-“Tërbohet” Esat Mala dhe me të drejtë, Vllaznia zihet zbuluar në mbrojtje dhe pëson golin e dytë. Gjë që i vë vulën ndeshjes.
-Përfundon 0-2 për Egnatian, me rrogozhinasit që vijojnë me serinë pozitive dhe shkodranët që ende nuk kanë gjetur stabilitet këtë sezon.
Endri ÇINARI
