Një tjetër firmë tek Vllaznia.Futbollisti i rradhës që është bërë pjesë e kuqebluve ka qenë sulmuesi Atsina. Kjo është bërë e ditur nga faqja zyrtare e klubit shkodran në të cilën thuhet:
“Skuadra e sezonit të ardhshëm gradualisht po merr formë. Asaj që nga dita e sotme i është shtuar zyrtarisht edhe një tjetër futbollist. Bëhet fjalë për sulmuesin me origjinë ganeze dhe me pasaportë italiane Charles Atsina. Ai ka disa ditë që është në stërvitje me ekipin ndërkohë që pasditen e sotme ka arritur akordin me drejtuesit e klubit dhe më pas ka hedhur firmë në kontratë. Atsina do të jetë pjesë e Vllaznisë në sezonin e ri ndërkohë që kontrata ka edhe opsionin për shtyrjen e saj edhe për një sezon tjetër më pas. Në këtë mënyrë me marrjen edhe të këtij lojtari, skuadra tashmë duket më e plotë edhe në repartin e sulmit”. Ky futbollist kishte një javë në provë tek kuqeblutë dhe duket se ka bindur stafin teknik përderisa tashmë është firmosur edhe kontrata.
