Në kuadrin e vijimit të punës për krijimin e marëdhënieve të reja me klube të ndryshme, sot u bë realitet nënshkrimi I një marrëveshej bashkëpunimi në mes KF Vllaznia dhe “Muaither Club” të Katarit. Nje gje e tille behet e ditur permes faqes zyrtare te klubit shkodran.
Ajo është firmosur nga drejtori sportiv I klubit tonë, z. Engin Firat dhe drejtori I përgjithshëm I “Muaither Club”, z. Mahmud Al Mahmud.
Një marrëveshje e tillë synon krijimin e marëdhënieve të mira të bashkëpunimit midis dy klubeve, duke filluar nga ndeshjet e përbashkëta të ekipeve të para, realizimi I kampeve stërvitore të përbashkëta apo dhe pjesmarrja në turne të ndryshme.
Po ashtu edhe për punën e përbashkëta me skuadrat e të rinjve si dhe ndihmën e njëra- tjetrës në periudha të ndryshme të transfertave të lojtarëve.
Kjo marrëveshje do t’I shërbejë Klubit të Futbollit Vllaznia për krijimin e mundësive të reja të zhvillimit për klubin si në aspektin e përgatitjes së ekipit por dhe për tranfertat e lojtarëve.
Në foto, nga e majta në të djathtë, Afif Hasan Afif, personi I kontaktit I KF Vllaznia në Katar, Mahmud Al Mahmud- drejtori I përgjithshëm I Muaither Club, drejtori sportiv I KF Vllaznia Engin Firat dhe Mubarak Ghanem Al Ali, anëtar I Bordit të klubit
