Një fitore shumë të vështirë ka arritur sonte Vllaznia në Kamëz ndaj skuadrës vendase në ndeshjen e vlefshme për javën e tretë të kampionatit kombëtar të meshkujve. Në fund të takimit ka vendosur një trepikësh i Mirza Sarajlija dhe vetëm falë tij shkodranët kanë fituar 71-70. Ndeshja ka qenë shumë e ekuilibruar që nga fillimi e deri në fund. Perioda e parë e ndeshjes do fitohej nga Kamza me rezultatin 20-18. Edhe në të dytën e njëjta mënyrë loje dhe në fund fiksohet rezultati 13-13 duke bërë që Kamza Basket të shkojë në pushimin e ndeshjes me dy pikë avantazh. Në periodën e tretë është sërish skuadra vendase që dominon dhe e fiton atë me rezultatin 24-12. Të krijohet përshtypja se takimi këtu ka përfunduar teksa skuadra e trajnerit Muhametaj udhëhiqte me 14 pikë avantazh vetëm 10 minuta para fundit. Por në këtë periodë të katërt ka ndodhur surpriza. Shkodranët luajnë mirë dhe arrijnë të ngushtojnë rezultatin teksa në fund e fitojnë atë në shifrat 28-13 dhe trepikëshi i Sarajlijës vendosin fatin e takimit duke i dhënë fitoren Vllaznisë por kjo ndeshje tregoi se shko© dranët nuk do ta kenë të lehtë garën për titullin kampion.© shkodrasport.com
