Ardhja e mbrojtësit të majtë ugandez ëalusimbi Godrey i ka ngushtuar edhe më shumë hapësirat e aktivizimit futbollistit të ri shkodran Brendon Smajli. Në këto rrethana, lojtari është marrë vesh me drejtuesit e Vllaznisë dhe kanë rënë dakord që në sezonin e ri të huazohet tek ekipi i Shënkollit.
Kjo gjë bëhet e ditur nga vetë klubi kuqeblu përmes faqes së tij zyrtare në të cilën shkruhet:
“KF Vllaznia bën të ditur se ditën e sotme ka arritur një marrëveshje me futbollistin Brendon Smajli për ta huazuar atë për tek ekipi i Shënkollit për sezonin e ardhshëm.
Ka qenë vetë lojtari që ka shprehur dëshirën për këtë huazim, nisur nga dëshira e tij për të gjetur më shumë hapësira aktivizimi dhe drejtuesit e klubit ia kanë plotësuar kërkesën duke shpresuar që kjo të jetë në të mirë të lojtarit.
KF Vllaznia i uron suksese futbollistit Brendon Smajli në këtë përvojë të re, duke shpresuar se ai do të arrijë të shprehë ashtu si duhet vlerat e tij tek ekipi i Shënkollit”.
