Dita e djeshme ka qenë pushim për futbollistët e Vllaznisë ndërkohë që sot ata do të jenë në stërvitje.
Duke nisur në këtë mënyrë përgatitjet për ndeshjen e rradhës, atë me Lushnjën. Ky takim do të luhet të shtunën në orën 14.00 në stadiumin “Loro Boriçi” dhe kuqeblutë nuk kanë kohë të humbasin.
Për këtë arsye, pasditen e sotme ata do të jenë në fushën e stërvitjes në Golem për të zhvilluar seancën e parë të kësaj jave.
E sigurtë duket mungesa sërish e Malotës ndërkohë që mbetet për t’u parë edhe gjendja shëndetësore e mesfushorit Bardulla i cili prej disa kohësh është i dëmtuar dhe po bën përpjekjet për t’iu bashkuar grupit në stërvitje.
Pjesa tjetër e futbollistët pritet të jetë në dispozicion të trajnerit Gjoka dhe stafit të tij.
Ndeshja ndaj lushnjarëve në pamje të parë konsiderohet e lehtë por në kampin shkodran nuk mendojnë kështu.
Për ta nuk ka vend për nënvlerësim. Pozitat ku ndodhen në renditje nuk ua lejojnë një gjë të tillë prandaj dhe do të tregojnë seriozitet në çdo seancë stërvitore, kuptohet edhe në ndeshje, për ta kaluar edhe atë me sukses dhe për të menduar pastaj për sfidat e tjera.
© shkodrasport.com
