Vllaznia ka udhëtuar pasditen e sotme drejt Korçës, aty ku nesër pasdite do të ndeshet me Skënderbeun vendas në kuadrin e javës së dytë të kampionatit.
Klubi shkodran ka publikuar pak minuta më parë edhe listën e lojtarëve të grumbulluar për këtë ndeshje nga ana e stafit teknik. Të gatshëm për këtë përballje do të jenë 22 futbollistë.
Dhe nga sa mësohet, të gatshëm do të jenë të gjithë futbollistët të cilët kanë qenë në dispozicion edhe për ndeshjen e kaluar me Apoloninë, shton këtu edhe Kalajën.
Në këtë mënyrë stafi duket i qetë sepse duke i patur të gatshëm të gjithë lojtarët, do të mund të përzgjedhë edhe formacionin më të mirë, atë që do të zbresë në fushë nga minuta e parë.
Ndeshja e nesërme është vlerësuar maksimalisht në kampin shkodran dhe jo më kot edhe sponsori Xhaferi ka vënë një shpërblim prej 5 milionë lekësh për ekipin në rast fitoreje.
Ja lista e futbollistëve të grumbulluar për këtë ndeshje:
