Federata i ka kerkuar instancave shteterore qe te lejojne pranine e tifozeve ne finalen e Kupes se Shqiperise qe do te luhet neser ne mes Tiranes dhe Teutes.
Por nderkohe edhe klubi Vllaznia ka te njejten deshire dhe permes nje kerkese zyrtare i ka kerkuar FSHF-se qe ne dokumentin e saj te shtoje edhe ndeshjen Vllaznia- Beselidhja per t’u luajtur me nje numer te reduktuar tifozesh sepse edhe ajo vete eshte nje finale.
“KF Vllaznia është njohur përmes mediave por edhe përmes faqes tuaj zyrtare, me një kërkesë që Federata Shqiptare e Futbollit i ka bërë instancave shtetërore për ta luajtur me tifozë ndeshjen finale të Kupës së Shqipërisë duke marrë edhe shembullin e Francës, ku finalja e Kupës u zhvillua me tifozë në tribunat pas porte.
Në këtë kontekst, do të dëshironim që në kërkesën tuaj ndaj instancave shtetërore të përfshini edhe ndeshjen Vllaznia- Besëlidhja. Vërtetë finalja e Kupës së Shqipërisë është finale, por edhe sfida jonë është një “finale” dhe për më tepër, një ndeshje që pritet me shumë interes nga tifozëritë e të dy ekipeve.
Për këtë arsye, kërkojmë nga ana Juaj që përpos dëshirës për të patur tifozë në ndeshjen finale të Kupës, ato të lejohen konform rregullave dhe distancimit edhe në ndeshjen Vllaznia- Besëlidhja.
16 mijë vendet që ka stadiumin “Loro Boriçi” janë një mundësi shumë e mirë që në stadium të ketë një numër të kufizuar tifozësh dhe duke respektuar rregullat e distancimit.
Mbesim me shpresën e plotësimit të kësaj kërkese!”- thuhet ne kerkesen e klubit shkodran.
