Pas meshkujve edhe skuadra e femrave të Vllaznisë ka siguruar mbijetesën mes më te mirave sezonin e ardhshëm sportiv 2018-2019.
Ekipi shkodran fitoi sot pasdite 75-56 ndaj Apolonisë, në ndeshjen e dytë të play out-it, luajtur në pallatin e sportit “Flamurtari” në Vlorë.
Basketbollistet shkodrane i fituan të dyja ndeshjet e mbijetesës ndaj fierakeve, duke e merituar të qëndrojnë në Grupin A sezonin e ardhshëm.
Ndeshja e sotme ishte disi me më shumë rivalitet se e para, pasi fieraket tentuan të befasojnë mikeshat nga Shkodra, por pa forcën e duhur në parket.
Përvoja e basketbollisteve të Vllaznisë bëri diferencën në momentet vendimtare, ndaj ato e merituan fitoren.
Apolonia u rendit e dyta në Grupin B, kampionat ku dhe do të vijojë të luajë edhe vitin tjetër.
Basketboll – Play out, Femra
14 prill, Vllaznia – Apolonia, 89-49
18 prill, Apolonia – Vllaznia, 56-75
*Vllaznia fiton 2-0 serinë e ndeshjeve
