Vllaznia nen drejtimin e Afrim Bilalit e ka nisur me fitore fazen e trete te kampionatit. Ajo ka fituar me rezultat te thelle pasditen e sotme ndaj Tiranes ne ndeshjen e luajtur ne pallatin e sportit ‘Qazim Dervishi”.
Kuqeblute e kane dominuar kete takim ne te gjitha drejtimet dhe ne fund kane arritur te shenojne mbi 100 pike, duke e mbyllur kesisoj kete ndeshje ne shifrat 102-67.
Ne perioden e pare, bardheblute u munduan te rezistojne dhe si rrjedhoje ky 10 minutesh do te mbyllej ne shifrat 23-18, nderkohe qe ne perioden e dyte kjo distance eshte ngushtuar edhe me teper dhe dy ekipet do te shkonin ne pushim me rezultatin 42-39 ne favor te Vllaznise.
Por vetem kaq sepse ne perioden e trete dhe te katert, epersia e kuqebluve do te rritej shume dhe si rrjedhoje do ta fitonin gjithe ndeshjen me rezultatin e thelle 102-67.
Vllaznia eshte e sigurte ne katershen e pare dhe keto ndeshje te fazes se trete do t’i sherbejne trajnerit Bilali per harmonizimin e lojtareve dhe rritjen e formes fizike, per t’u bere gati per fazen play-off ku do te kerkojne fitimin e titullit kampion./SHKODRA-SPORT.COM/
