Vjen edhe fitorja e dytë në kampionat për basketbollistët e Vllaznisë. Ata kanë luajtur pasditen e sotme në Tiranëë ndaj debutuesve në këtë kampionat, ekipit Barleti Eagle. Kuqeblutë kanë fituar me rezultatin e thellë 102-67. Ata e kanë dominuar ndeshjen nga fillimi e deri në fund.
Pjesa e parë e saj është mbyllur në shifrat 51-33 dhe thuajse e njëjta ecuri pikësh ka qenë edhe në pjesën e dytë dhe kësisoj ky takim ka përfundduar me fitoren prej 35 pikësh të shkodranëve. Ata në këtë mënyrë pas tre javësh kampionat, kanë siguruar dy fitore dhe të dyja në Tiranë, fillimisht me Partizanin dhe më pas me Barleti Eagle, ndërsa kanë humbur ndeshjen e parë të kampionatit, atë të luajtur në Shkodër ndaj Teutës. Një nisje e tillë konsiderohet pozitive për ekipin e Vllaznisë që nga java në javë pritet ta rrisë performancën e tij në mënyrë që të mbetet në mes ekipeve elitare të kampionatit.
© shkodrasport.com
