Vllaznia në basketboll për meshkuj i ka bërë një nisje shumë të keqe
kampionatit të ri duke i humbur të tre ndeshjet e para të tij.
Por problemi nuk janë këto humbje por e ardhmja e kësaj skuadre. Largimi i disa basketbollistëve cilësorë apo dhe dëmtimi i ndonjë tjetri, ka krijuar probleme për stafin teknik.
Megjithatë çdo e keqe e ka edhe një të mirë prapa. Trajneri Taraboshi po shfrytëzon momentin për t’i dhënë dorën dy lojtarëve të rinj të cilët konsiderohen të perspektivës: Ettore Marku dhe Elian Memçaj.
Ky i fundit në ndeshjen e fundit ndaj Kamzës ka luajtur disa minuta në fund por kaq i ka mjaftuar që të shënojë pikët e para me të rriturit ndonëse është vetëm 16 vjeç. Memçaj konsiderohet një element me shumë të ardhme.
Ai është anëtar i kombëtares U-17 dhe madje ka qenë një nga pikat më të forta të saj në ndeshjet eliminatore që ka zhvilluar.
Tek Vllaznia gradualisht do forcohet edhe më shumë, do të marrë eksperiencën e duhur, për të qenë pas pak vitesh, me shumë siguri një nga lojtarët më të dalluar të kampionatit shqiptar.
Më poshtë, keni edhe videon e dy koshave që Elian Memçaj ka shënuar në ndeshjen e para tre ditëve ndaj Kamzës:
© shkodrasport.com
