Java e 10-të e kampionatit kombëtar të basketbollit për femra do të dhurojë një sfidë shumë interesante, atë në mes Vllaznisë dhe ekipit të Shoqatës “Tirana”. Ajo do të luhet pasditen e së premtes në orën 17.00 në pallatin e sportit “Qazim Dervishi” në orën 17.00.
Ky është një takim I cili pritet të dhurojë emocione sepse të dy ekipet do të kërkojnë fitoren për të mbajtur vendin e tretë në renditje. Vllaznia në fakt pas asaj nisje të mirë të kampionatit, në dy takimet e fundit është mundur, pikërisht ndaj dy prej skuadrave më të forta të tij, fillimisht nga Tirana në Shkodër ndërkohë që javën e kaluar është mundur edhe nga Flamurtari në Vlorë.
Ekipit shkodran në këtë mënyrë I duhet ta fitojë ndeshjen e rradhës. Trajneri Bledar Gjeçaj dhe vajzat që ai drejton, e kanë të qartë këtë gjë.
Megjithatë duhet pranuar se ecuria e këtij ekipi ka qenë shumë e mirë deri tani, kur ke parasysh se janë duke u përballur me kundërshtarë në rradhët e të cilëve kanë sportiste të huaja.
Ndërkohë që Vllaznia ka në përbërje vetëm 4 basketbolliste shkodrane që kanë disi më shumë përvojë ndërkohë që gjithë të tjerat janë vetëm 17 vjeçare. Gjithsesi, ekipi e ka arritur objektivin për të qenë në katërshen e ekipeve më të mira të kampionatit.
© shkodrasport.com
