Vllaznia ka udhëtuar mesditën e sotme drejt Gjirokastrës, në qytetin ku do të luajë pasditen e së dielës ndaj Luftëtarit vendas ndeshjen e rradhës për kampionat.
Ekipi ka zhvilluar seancën e fundit në “Reshit Rusi” dhe tashmë ka mbetur vetëm përgatitje psikologjike për këtë sfidë.
Natyrisht që situata në kampin shkodran nuk është ajo më e mira e mundshme pas incidentit të ndodhur ndaj trajnerit Gjoka.
Megjithatë vetë ky i fundit është munduar t’u shpjegojë futbollistëve të tij se ai duhet harruar tashmë dhe vëmendja duhet përqendruar tek sfida e kampionatit.
Një sfidë shumë e vështirë sepse Luftëtari vjen pas një ecuri prej tetë ndeshjesh me rezultate pozitive, çka tregon se skuadra gjirokastrite po kalon një nga momentet më të mira të saj në këtë kampionat.
Nga ana tjetër edhe Vllaznia vjen pas dy fitoreve të arritura së fundmi të cilat e kanë ngrohur disi atmosferën megjithatë ato dy fitore nuk mjaftojnë sepse skuadrës i duhen sërish pikë.
© shkodrasport.com
