Spostimi i “klasikes” Vllaznia- Tirana nga “Loro Boriçi” ne “Kukes Arena” padyshim qe ka krijuar nje problem jo te vogel per tifozet shkodrane, megjithate duket se çeshtja e udhetimit do te zgjidhet nga ana e vete klubit kuqeblu.
Permes nje njoftimi te shperndare pak minuta ne rrjetet sociale, Klubi Vllaznia ka bere te ditur se do te kete autobuze pa limit ne dispozicion per udhetimin drejt Kukesit. Ato do te jene falas, por problemi do te jete thjesht percaktimi i numrit te tyre. Ja çfare shkruhet ne kete njoftim:
NJOFTIM!!!
Ekipi ynë merr zemër nga ndjekësit dhe tifozëria e qytetit tonë!
Për të gjithë sportdashësit e ekipit tonë, KF VLLAZNIA njofton që autobusat e transportit Shkodër – Kukës, për të ndjekur derbin klasik të futbollit shqiptar KF Vllaznia – KF Tirana, do të jenë falas në dispozicion të tifozëve që duan ta ndjekin ndeshjen në stadium.
Për ta lehtësuar këtë proces për ju dhe stafin tonë, ju bëjmë me dije se personat që dëshirojnë të vijnë në këtë udhëtim, duhet të prenotojnë paraprakisht, nga ky moment deri të premten në orën 20:00.
Shkruani një mesazh në inbox të faqeve tona në rrjetet sociale emrin tuaj të plotë dhe një numër kontakti. Për çdo paqartësi kontaktoni edhe në nr cel: 0692578476
Nisja bëhet ditën e shtunë, ora 10:00, te vendodhja e autobusave tek Teatri. Ju lutemi që të paraqiteni më herët që të zini vendet tuaja përkatëse!
