Interesimi i tifozëve shkodranë për ndeshjen Vllaznia- Partizani që do të luhet sot në orën 14.00 në stadiumin “Loro Boriçi” duket më i madh se gjithë këto ndeshjet e fundit që janë luajtur në Shkodër.
Me shumë siguri edhe kushtet atmosferike do të jenë të mira pasditen e sotme dhe kjo nuk do t’i pengojë tifozët të jenë në stadium për të mbështetur skuadrën e tyre.
Por ata që nuk do të kenë mundësi të jenë në “Loro Boriçi”, përveç platformës “Supersport”, do të kenë mundësi ta ndjekin nga shtëpitë e tyre edhe përmes ekranit të RTSH.
Një mundësi më shumë për të ndjekur emocionet e kësaj ndeshje e cila konsiderohet si më e rëndësishmja e javës së 25-të të Superligës.
www.shkodrasport.com
