Ekipi i volejbollit të femrave të Vllaznisë nuk ka arritur të bëjë asgjë sot në ndeshjen ndaj Teutës teksa e ka humbur atë me rezultatin e pastër 0-3. Në ndeshjen e luajtur mesditën e sotme në pallatin e sportit “Qazim Dervishi”, vajzat shkodrane vetëm në setin e dytë kanë arritur të rivalizojnë por pa arritur dot ta fitojnë atë. Në setin e parë, Teuta ka fituar pa as më të voglën vështirësi me shifrat 25-13. Në të dytin është diçka më ndryshe teksa Vllaznia arrin të shënojë 22 pikë por jo më tepër. Në të tretin ka një fitore sërish të lehtë të vajzave durrsake 25-12 dhe në këtë mënyrë ata kanë fituar krejt ndeshjen me rezultatin 3-0.
Pavarësisht humbjes, trajnerja e Vllaznisë Sadije Gogaj duke folur pas ndeshjes ka thënë se objektivi i ekipit të tij është arritur deri tani në kampionat. “Kemi siguruar renditjen në tetë skuadrat më të mira që do të vazhdojnë garën dhe ky ka qenë objektivi që kemi realizuar. Pas këtij objektivi, pastaj në çdo ndeshje ne mundohemi të bëjmë më të mirën megjithatë e kemi të vështirë për vetë elementin që kam në dispozicion dhe problematikat që na shoqërojnë”.
www.shkodrasport.com
