Mbrëmjen e së premtes ka përfunduar Kupa e Federatës Shqiptare të Volejbollit me përcaktimin e ekipit fitues që ishte Teuta e Durrësit, të vendit të dytë që ishte Studenti, të të tretit- Tirana dhe të të katërtit- Vllaznia. Kjo e fundit dje ka diskutuar ndeshjen për vendet 3-4 me ekipin e Tiranës. Seti i parë i ndeshjes është fituar nga kryeqytetasit me rezultatin 25-19 e po ashtu edhe të dytin në shifrat 25-15. Vllaznia mundohet të korigjojë diçka
me setin e tretë që e fiton 25-17 dhe krijohet përshtypja se këtu do vijë kthesa për ta. Ka rivalitet të madh në të katërtin por Tirana arrin të fitojë në fund 25-22 duke siguruar kështu vendin e tretë. Skuadra shkodrane e trajnerit Kalaja testoi veten në këtë kompeticion dhe nga ajo çfarë ka konstatuar vetë ai, me siguri që do ta ketë kuptuar se kampionati për të do jetë më i vështirë sivjet pas largimeve të disa lojtarëve, më të fundit ato të Juknit dhe Kolës që u shpallën fitues të Kupës së Federatës me skuadrën e Teutës dje.
