Duhej te ishte bere sot, por ekipi i Vllaznise e ka shtyre per neser nisjen drejt Malit te Zi ku do te zhvilloje nje stervitje disaditore ne prag te nisjes te gjysmes se dyte te sezonit.
Arsyeja ka patur te beje me kryerjen e testeve anti- covid qe duhen per kalimin ne piken doganore te Muriqanit dhe kjo procedure do perfundoje me marrjen e pergjigjeve teksa shpresohet qe asnjeri prej lojtareve apo stafit te mos kete probleme.
Por gjithçka mendohet te perfundoje neser paradite dhe ekipi do te niset menjehere drejt Ulqinit. Ne kete qytet bregdetar te shtetit fqinj kuqeblute pritet te qendrojne vetem 4 dite sepse te dielen kane planifikuar nje miqesore me Prishtinen ne stadiumin “Loro Boriçi” dhe do te jene te detyruar te kthehen ne Shkoder.
Megjithate edhe keto kater dite pritet t’u vlejne ashtu si duhet futbollisteve shkodrane per te marre formen e duhur ne prag te ndeshjes se pare zyrtare per kete vit, ate me Tiranen qe do te luhet me 15 janar./SHKODRA-SPORT.COM/
