Drejtuesit e Vllaznisë ndonëse ende nuk kanë filluar zyrtarisht merkaton për sezonin e ardhshëm, duket se kanë nisur kontaktet e para me lojtarët që ata dëshirojnë të kenë në skuadër. Kështu, shkodranët mesa duket I kanë hedhur sytë nga ekipi I Kastriotit I cili duket se po kalon momente jo të mira dhe për rrjedhojë disa lojtarë të tij e kanë dërguar çështjen në FSHF ditë më parë për mospagesë ngë klubi krutan. Në kushte të tilla, këta futbollistë me shumë mundësi sezonin e ardhshëm nuk do jenë pjesë e kësaj skuadre dhe kuqeblutë duan “të rrëmbejnë” disa prej këtyre futbollistëve.
I pari emër që u lakua ishte ai I afrikanit me pasaportë franceze Inkango. Ndërkohë që ka filluar të përmendet edhe emri I rumunit Dragoi. Të dy këta futbollistë kanë shkëlyer në ndeshjen e fazës së dytë Vllaznia- Kastrioti në Shkodër që u fitua nga këta të fundit 4-2. Dy gola në atë ndeshje u shënuan nga Dragoi ndërsa Inkango ndonëse nuk shënoi, ka qenë protagonist kryesor I atij takimi duke lënë mbresa të veçanta tek drejtuesit kuqeblutë që tashmë duket se kanë dëshirë t’I kenë në skuadrën e tyre. Por për momentin kjo duket se është vetëm dëshirë ngaqë klubi Vllaznia ende nuk e ka përcaktuar strategjinë për sezonin e ardhshëm sepse pritet takimi vendimtar me kryebashkiakun Luka.
www.shkodrasport.com
