Kampionati shqiptar i futbollit për femra ka startuar javën e kaluar me ndeshjet e javës së parë, ndërkohë që këtë fundjavë do të luhen ndeshjet e javës së dytë.
Ajo që bie në sy është përballja Vllaznia- Tirana e cila do të luhet ditën e dielë në orën 14:00 në stadiumin “Loro Boriçi” të Shkodrës.
Ashtu si tek ajo e meshkujve e javës së ardhshme që pritet me shumë interes, edhe kjo e femrave konsiderohet e rëndësishme për të dy ekipet që janë pretendente këtë sezon.
Kjo ngaqë përpos Vllaznisë që dihet se synon titullin e tetë rradhazi kampion, edhe Tirana e ndërtuar sivjet ka të njëjtin objektiv.
Presidenti Refik Halili ka investuar në ndërtimin e një ekipi pretendent dhe ka marrë në rradhët e tij disa lojtare nga Apolonia por edhe nga ekipe të tjera.
Vajzat bardheblu do të vijnë në Shkodër me objektivin për të marrë pikë, por kuptohet që do të përballen me një Vllazni e cila është e etur për ta mundur edhe këtë kundërshtar dhe për të ruajtur serinë e fitoreve dhe sukseseve./SHKODRA-SPORT.COM/
