Ndeshja e sotme e luajtur në stadiumin “Zeqir Ymeri” të Kukësit në mes skuadrës vendase dhe Vllaznisë, e vlefshme për kampionatin kombëtar të 19 vjeçarëve, është mbyllur me fitoren 4-0 të shkodranëve.
Një fitore që u ka mjaftuar kuqebluve për ta mbyllur fazën e dytë në vendin e parë në renditje.
Rezultati i ndeshjes së sotme është zhbllokuar në minutën e 6-të me anë të sulmuesit Palushani.
Ndërkohë në minutën e fundit të pjesës së parë, shkodranët do të shënonin edhe golin e dytë me anë të Lisajt.
Me fillimin e pjesës së dytë, Fikaj do të shënonte edhe golin e tretë ndërkohë që në minutat e fundit ndërkohë do të kishte vend edhe për një gol tjetër.
Ai do të shënohej nga kapiteni Rahova, i fundit për këtë ndeshje që mbyllet kësisoj me rezultatin e thellë 4-0.
Vllaznia U-19 e mbyll fazën e dytë të kampionatit në vend të parë me 43 pikë duke lënë në të dytin dhe të tretin me pikë të barabarta Shkëndinë dhe Partizanin.
© shkodrasport.com
