Pas barazimit javën e kaluar në Laç, barazim që ndali serinë prej 15 fitoresh rradhazi të saj, ekipi Vllaznia U-19 është rikthyer sërish tek fitorja.
Ka ndodhur kështu pasditen e sotme kur kuqeblutë kanë fituar me rezultatin e pastër 3-0 ndaj Laçit në ndeshjen e luajtur në “Reshit Rusi”.
Autor i golit të parë do të ishte mesfushori Alfons Kulla në minutën e 41-të. Me këtë gol do të mbyllej pjesa e parë.
Në të dytën protagonist do të shfaqej Brendon Smajli i cili ndonëse luan si mbrojtës, arriti të shënonte dy gola të cilët kompletuan këtë fitore të kuqebluve.
Fillimisht do të shënonte golin e dytë në ’63 ndërsa një minutë para fundit, do të shndërronte në gol një 11-metërsh të dhënë për skuadrën e tij.
Përfundimisht 3-0 për Vllaznia U-19 që vazhdon të ruajë vendin e parë në renditje, e shkëputur 4 pikë nga Shkëndia e vendit të dytë dhe pesë pikë nga Partizani i vendit të tretë.
© shkodrasport.com
