Pasditen e sotme, në orën 14.00 në Elbasan do të nisë finalja e Kupës së Shqipërisë për 19 vjeçarët në mes Vllaznisë dhe Shkëndisë së Tiranës.
Një ndeshje që ashtu si çdo finale, pritet me interes nga futbollistët, stafet e të dy ekipeve por edhe tifozët e tyre që mendohet të jenë në numër të konsiderueshëm sot në “Elbasan Arena”.
Vllaznia vjen me mungesa në këtë finale pasi dy prej lojtarëve të saj, mbrojtësit Enes Isufi dhe Elmir Lekaj ndodhen në Itali me kombëtaren e kësaj grupmoshe ndërsa kundërshtari nuk ka asnjë mungesë.
Çka do të thotë se finalja luhet në kushte të pabarabarta por kërkesa e klubit shkodran për ta shtyrë ndeshjen, nuk u mor parasysh nga FSHF.
Pavarësisht këtyre mungesa, trajneri Zmijani shpreh bindjen se pjesa tjetër e skuadrës do të dijë të luajë ashtu si duhet dhe të kërkojë fitoren e trofeut.
Ai madje në deklaratat e djeshme nuk i ka përmendur për asnjë moment mungesat por është marrë me kontigjentin e futbollistëve që do të ketë në dispozicion dhe që do të luajnë sot.
Kjo sepse do të jenë ata që do sjellin trofeun e Kupës në Shkodër.
© shkodrasport.com
