Pas tre fitoresh rradhazi ne kampionat, Vllaznia U21 eshte ndalur pasditen e sotme ne ndeshjen e rradhes, ate te luajtur ne fushen sportive “Skender Halili” te kryeqytetit, teksa ka humbur me rezultatin 1-3 ndaj Tiranes.
Por me shume sesa disfata ne kete ndeshje, per trajnerin Ergi Borshi rendesi ka sjellja aspak dinjitoze e arbitrave te ndeshjes te cilet ndikuan dukshem ne rezultatin e saj duke ndeshkuar ekipin shkodran.
Sipas Borshit, qe ne minutat e para te ndeshjes u pa qarte qellimi i arbitrit kryesor, lushnjarit Granit Sulko. Brenda pak minutash ka ndeshkuar me kartona te verdhe fillimisht mbrojtesin Kapllanaj (minuta e 9-te) dhe me pas mesfushorin Zahi (minuta e 10-te).
Por arbitri nuk do te ndalej ketu sepse ne minuten e 12-te ka larguar nga pankina edhe vete trajnerin Ergi Borshi, gjoja per ofendim te arbitrit. “Diçka vertete e pakuptueshme ajo çfare ndodhi. Me nxorri te kuqen se gjoja e kam ofenduar por kjo nuk eshte aspak e vertete sepse thjesht i kam kerkuar se çfare po ben ngaqe na mbyti me kartona krejtesisht te panevojshem”.
Bardheblute kane shenuar te paret me ane te Cerenit ne minuten e 13-te, nderkohe qe Vllaznia U21 ka barazuar ne fundin e pjeses se pare me ane te futbollistit Ilah Muhaj. Ne pjesen e dyte nderkohe Tirana ka shenuar edhe dy gola te tjere me ane te Laroshit dhe Likajt duke fituar ne kete menyre krejt ndeshjen me rezultatin 3-1.
Por per trajnerin Borshi gjithçka ka qene e planifikuar ne kete ndeshje nga arbitri e per kete, ai ne nje prononcim per gazeten “Shkodra Sport” do te shprehej: “Jam vertete i zhgenjyer nga ajo çfare ndodhi ne kete ndeshje. Arbitri e ka qelbur ne te gjitha drejtimet.
E mbyti skuadren tone me kartona krejtesisht te panevojshem, ka nxjerre shtate te tille per ne, nderkohe qe nuk bente te njejten gje per lojtaret e Tiranes megjithese nderhyrjet e tyre kane qene shume te ashpera dhe jo me kot jam detyruar te largoj Cungun e demtuar nga fusha e lojes qe ne minuten e 30-te dhe po ashtu ne fillimin e pjeses se dyte edhe sulmuesin Kapllanaj.
Me nxorri edhe mua me karton te kuq ne menyre te pakuptimte dhe menyra si arbitroi ai ka qene vertete skandaloze. Une kam lajmeruar drejtuesit e klubit dhe besoj se ata do te bejne nje relacion ne Federaten Shqiptare te Futbollit per te kerkuar drejtesi per keto gjera qe po ndodhin. Eshte kampionat 21 vjeçaresh dhe shpeshhere rezultatet nuk kane rendesi, prandaj nuk e kuptoj pse arbitrat duhet te sillen ne kete menyre per ta vendosur ata fituesin e ndeshjes”./SHKODRA-SPORT.COM/
