Vllaznia U21 edhe pas javes se trete te kampionatit nuk arrin te shijoje fitoren e pare ne kampionat. Madje, pasditen e sotme ajo ka pesuar humbjen e pare, pas dy barazimeve qe kishte arritur ne ndeshjet e kaluara ndaj Partizanit dhe Kukesit.
Kuqeblute e drejtuar nga trajneri Ergi Borshi kane luajtur sot ne Fier ndaj Apolonise vendase dhe ne fund te 90 minutave te ndeshjes jane detyruar te lene fushen te mundur ne shifrat 2-0.
Kane qene vendasit ata te cilet kane kaluar shume shpejt ne avantazh, qe ne minuten e 4-te me ane te Kaçanollit dhe kjo i vuri ne veshtiresi shkodranet qe nuk reaguan ashtu si duhet. Pavaresisht perpjekjeve, pjesa e pare eshte mbyllur 1-0 per Apolonia U21.
Pritej qe presioni i kuqebluve te shtohej ne fillimin e pjeses se dyte, por ne fakt nuk ndodhi keshtu sepse ne minuten e 51-te Apolonia ka dyfishuar shifrat me ane te afrikanit Nwatsock. Nje minute me pas, mbrojtesi Paloka eshte ndeshkuar me karton te kuq dhe ketu eshte mbyllur gjithçka per ekipin shkodran.
Perfundimisht Vllaznia U21 humbet 2-0. Padyshim kjo diçka jo e mire per kete ekip i cili e ka nisur jo ashtu si duhet kampionatin e ri duke grumbulluar vetem 2 pike ne 3 ndeshje, sigurisht shume pak per nje ekip kampion ne fuqi qe kerkon te ruaje serish titullin./SHKODRA-SPORT.COM/
APOLONIA U21- VLLAZNIA U21 2-0
Golat: Kaçanolli ‘4, Nwatsock ’51
VLLAZNIA U21: Bunjaj, Sylia, Ramja, Paloka, Kapllanaj, Shimaj, Dulaj, Cungu, Dodaj, Halili, Kubazi. Trajner Ergi Borshi. U aktivizuan edhe Rroku, Zahi, Kodra, Selmani e Jahaj.
