Java e pestë e kategorisë së parë ka dhuruar sfidën në mes Vllaznisë dhe Veleçikut. Dy ekipeve fqinje të cilëve nuk u ka rastisur të luajnë asnjëherë për kampionat sëbashku.
Janë përballur vetëm në ndonjë ndeshje kupe si dhe në shumë miqësore. Këtë herë, pas rënies së kuqebluve nga Superliga, janë sëbashku në të njëjtën kategori.
Ndeshja në mes tyre do të luhet ditën e shtunë në orën 14.00 në fushën sportive “Reshit Rusi”. Ky takim pritet me interes nga tifozëritë e të dy ekipeve.
Ato të Vllaznisë sepse presin fitoren e pestë të skuadrës së tyre, fitore që do t’ia forconte edhe më shumë pozitat në krye të renditjes, ndërsa ata të Veleçikut për të parë “sesa vlen” skuadra e tyre.
Në rradhët e këtij të fundit janë një pjesë e konsiderueshme futbollistë shkodranë që kuptohet do të mundohen të tregojnë se vendi i tyre ndoshta ishte tek Vllaznia. Për të gjitha këto arsye, pritet një ballafaqim shumë interesant.
© shkodrasport.com
