Takimi I sotëm me Flamurtarin është vlerësuar në maksimum nga ana e drejtuesve të klubit Vllaznia. Ata, për herë të parë në këtë sezon kanë vendosur ta grumbullojnë skuadrën një ditë para ndeshjeve që zhvillojnë në Shkodër. Pasditen e djeshme, të gjithë futbollistët dhe pjestarët e stafit teknik janë mbledhur në hotel “Meteor” ku kanë kaluar natën e mbrëmshme dhe do qëndrojnë deri sot rreth orës 15.00. Nuk kishte ndodhur asnjëherë më parë kështu. Herët e tjera, trajneri Duro kishte preferuar të mos e grumbullonte skuadrën. Thjesht vetëm drekën sëbashku dhe pastaj menjëherë në stadium. Në fakt sivjet kanë bërë përshtypje disa zgjedhje të Duros I cili edhe fazën përgatitore të verës zgjodhi ta bëjë në Shkodër në temperatura deri në 40 gradë. Bashkë me mosgrumbullimin e skuadrës një natë para ndeshjes, ka qenë një pyetje që është bërë shpesh se pse ka ndodhur ashtu. Këtë herë gjërat janë menduar ndryshe. Nuk bëhet e ditur se ideja e kujt ka qenë për ta grumbulluar ekipin këtë herë, e trajnerit Duro apo e drejtuesve të klubit. Ajo që ka rëndësi, ka të bëjë me faktin se Vllaznia ballfaqimin e sotëm e ka marrë shumë më seriozisht se të gjitha ndeshjet e tjera të këtij sezoni. Mbase ngaqë kjo konsiderohet si mundësia e fundit për të vazhduar rrugën që do ta çonte në Kupat e Europës. Në rast mosfitoreje, për kuqeblutë çdo gjë do të bëhet edhe më e vështirë për ndeshjet e ardhshmeGjika. Në ambjentin sportiv shkodran sigurisht që ka bërë përshtypje lajmi për një dorëheqje të presidentit të Flamurtarit Shpëtim Gjika. Sigurisht, ka patur shumë prej atyre që duke lexuar atë lajm, kanë menduar se tashmë skuadra vlonjate do të fillonte problemet dhe Vllaznia në ndeshjen ndaj saj do ta kishte më të lehtë të fitonte. Ka patur edhe nga ata që kanë menduar se një deklaratë e tillë e kryebashkiakut- president thjesht ka qenë një moment mërzie për distancimin nga kreu I renditjes. Ndoshta kjo situatë mund të jetë përjetuar në këto mënyra edhe brenda skuadrës së Vllaznisë dhe mbase për të evituar çoroditjen e futbollistëve në këtë pragndeshje, është vendosur grumbullimi I skuadrës mbrëmë.
Luka. Në antitezë me Gjikën, kryebashkiaku I Shkodrës Lorenc Luka që është njëkohësisht edhe president I Vllaznisë, nuk është aq tifoz. Në shumë prej takimeve që ka zhvilluar skuadra e tij nuk ka qenë fare në stadium. Megjithatë në këtë sezon, është munduar të korigjojë diçka ndoshta në këtë drejtim dhe sa herë që I është dhënë mundësia, ka qenë pranë skuadrës. Luka është takuar vetëm 2-3 herë deri më tani me trajnerin Duro. Thjesht ka deleguar të tjerët të merren me drejtimin e klubit dhe t’I qëndrojnë pranë skuadrës. Ka vepruar mirë apo keq, kjo ka qenë zgjidhja e tij. Megjithatë me shumë mundësi, kryebashkiaku I Shkodrës sonte do të jetë në tribunën “VIP” të stadiumit “Loro Boriçi” për të ndjekur skuadrën e tij. Sigurisht duke shpresuar që të ketë në krah edhe kolegun e tij të Bashkisë së Vlorës, që me shumë siguri do të ketë ndërruar mendje nga vendimi I tij dhe do të vazhdojë ta mbështesë Flamurtarin. Takimi I sotëm në këtë mënyrë duket se do jetë edhe një përballje Luka- Gjika, më shumë sesa Vllaznia- Flamurtari.
Gjergj KOLA
