Vllaznia po vijon me intensitet të lartë përgatitjet për pjesën e mbetur të sezonit. Të “shpërngulur” në Ohër, prej së mërkurës djemtë e Mirsad Jonuz kanë marrë udhëzimet dhe ngarkesën fizike për të përballuar gjysmën e dytë të sezonit 2019-2020.
Klubi shkodran ka zyrtarizuar firmën me mbrojtësin Adili si dhe ka zgjidhur disa kontrata të tjera me marrëveshje.
Sot Vllaznia do të zhvillojë testin e parë miqësor të këtyre përgatitjeve. Përballë djemve të Jonuz do të vendoset Pogradeci, që kryeson tabelën e Kategorisë së Parë grupi B, në futbollin shqiptar.
Ndeshja është programuar për të startuar në orën 13:00 në qytetin e Pogradecit, që është vetëm pak kilometra larg Ohrit. Ky do jetë një takim I rëndësishëm për Jonuz, që pritet të shohë formën e disa lojarëve të afruar së fundmi me shkodranët./newsport/
