Vllaznia zhgënjen sërish. Mundet edhe nga Kamza dhe mbetet e pozicionuar në vendet e fundit të tabelës së renditjes me vetëm 5 pikë të grumbulluara në 6 ndeshje. Goli i Imerit, ose më mirë të themi autogoli i Pjeshkës në 87-të ka vendosur fatin e këtij takimi që u kurorëzua me fitoren e Kamzës që tregon se këtë sezon në Superiore do të jetë shumë e thjeshtë të mbijetojë në elitën e futbollit shqiptar, e pse jo, të pretendojë t’i afrohet zonës së Europës.
Skuadra e Ndreut ka mundur me rezultatin 1-0 Vllazninë në shtëpi dhe e sheh veten në kuotën e 9 pikëve, po aq sa Flamrutari që aktualisht mban vendin e tretë në klasifikim. Ndonëse ndeshja u vendos nga një gol në fundin e ndeshjes nga Imeri i cili gjuajti fort nga jashtë zone dhe topi u devijua me kokë nga Pjeshka, duke zhvlerësuar pozicionimin e Sherrit dhe ai përfundon në rrjetë. Kaq ka mjaftuar që kuqeblutë të dhurojnë një tjetër rezultat zhgënjyes. Ndonëse në pjesën e parë luajtën disi më mirë dhe madje goditën edhe traversën me anë të Bardullës, në të dytën loja ka rënë dhe për rrjedhojë është pësuar edhe goli që çoi tek humbja. Situata e krijuar sigurisht që kërkon një analizë të fortë dhe pse jo, edhe masa mbi skuadrën sepse nisja që ajo i ka bërë kampionatit është shumë zhgënjyese.
© shkodrasport.com
