Vllaznisë i mjaftojnë 6 fitore në Shkodër për mbijetuar

Kur kanë mbetur edhe 10 javë deri në fund të kampionatit, të gjithë ekipet kanë filluar të bëjnë llogaritë.

Padyshim që edhe tek Vllaznia janë “me laps në dorë”. Pozitat e saj në renditje nuk janë të mira dhe skuadra ndjehet e rrezikuar seriozisht për rënien nga Superliga.

Por nga ana tjetër, kalendari i ndeshjeve të mbetura duket në favor të kuqebluve. Ato kanë për të luajtur 6 nga 10 ndeshjet e mbetura në “Loro Boriçi”.

Nisur nga llogaritë që po bëhen, skuadrës shkodrane do t’i mjaftonin vetëm fitoret e këtyre ndeshjeve për të siguruar mbijetesën.

Pra, duke marrë 18 pikë nga ndeshjet që do të luhen në Shkodër dhe duke ia shtuar 27 pikëve që ka aktualisht në renditje, do të thotë se Vllaznia do ta mbyllte Superligën në kuotën e 45 pikëve.

Shifër kjo që besohet të mjaftojë për të shpëtuar. Por kjo nuk do të jetë e lehtë sepse pavarësisht se do të luhet në “Loro Boriçi”, fitoret nuk janë të lehta për t’u arritur.

Kalendari i ndeshjeve të mbetura për Vllazninë:

Java 27 Vllaznia- Skënderbeu

Java 28 Vllaznia- Lushnja

Java 29 Teuta- Vllaznia

Java 30 Vllaznia- Luftëtari

Java 31 Vllaznia- Laçi

Java 32 Flamurtari- Vllaznia

Java 33 Vllaznia- Kamza

Java 34 Partizani- Vllaznia

Java 35 Vllaznia- Kukësi

Java 36 Skënderbeu- Vllaznia
© shkodrasport.com