Vllaznia pati një mungesë të rëndësishme në sfidën e fundjavës së shkuar ndaj Vorës, takim që u zhvillua në Shkodër dhe u fitua 3-1 nga skuadra e trajnerit Hasan Lika.
Por, ajo që ka rënë më shumë në sy ishte mungesa e Ardit Krymit, padyshim lojtarit më në formë të kuqebluve.
Krymi nuk luajti pasi i kishte plotësuar katër kartonët e verdhë dhe është detyruar që ta ndjekë si tifoz takimin e radhës në shtëpi ndaj debutuesve vorakë.
Mirëpo, për ndeshjen e fundjavës, në transfertë me skuadrën e Ilirisë së Fushë-krujës, Krymi pritet që të rikthehet në rolin e titullarit në mesfushë.
I vetmi që ka problem tashmë është portieri i dytë, Erind Selimaj, i cili nuk ka qenë as në stol dhe në vend të ti, te kuqeblutë është grumbulluar “gardiani” 18-vjeçar nga skuadra U-19 kuqeblu, Kristi Qarri./vipsport/
