Eshte luajtur paraditen e sotme ne pallatin e sportit “Qazim Dervishi” ndeshja miqesore ne volejboll per femra ne mes ekipit te Vllaznise dhe atij amerikan MSU Denver.
Ashtu siç kemi bere te ditur, pjese e ketij ekipi prej disa vitesh eshte edhe volejbollistja shkodrane Amela Qershia dhe ne turneun qe MSU Denver ka bere ne Europe kete vere, ka vendosur te vizitoje edhe vendin e volejbollistes se saj.
Gjithçka eshte shoqeruar me nje atmosfere shume te kendshme ne kete ndeshje dhe ne fund kane qene miket te cilat kane fituar 3-0, por kuptohet qe ne nje perballje te tille nuk kishte aspak rendesi rezultati.
Madje, ne setin e trete, tre volejbolliste amerikane kane luajtur me ekipin e Vllaznise duke e bere edhe me te bukur atmosferen. Nderkohe me ekipin shkodran kane luajtur ne kete miqesore edhe dy ish- volejbolliste te saj, Antoneta Molla dhe Xhesika Kaçi, te cilat i jane pergjigjur thirrjes se drejtuesve kuqeblu per te respektuar ish- kolegen e tyre./SHKODRA-SPORT.COM/
