Ndryshe nga ekipi i meshkujve, ai i femrave të volejbollit të Vllaznisë, nuk ka arritur të fitojë ndeshjen e sotme të luajtur në pallatin e sportit “Qazim Dervishi” ndaj Barleti Volej. Takimi është fituar me rezultatin 1-3 nga vajzat kryeqytetase. Ato kanë fituar setin e parë në shifrat 25-15 e ndërsa pritej një reagim i shkodraneve në të dytin, në fakt ato luajnë shumë dobët dhe e humbin atë me rezultat edhe më të thellë, 25-11.
Duket se ndeshja do të mbyllej shpejt për ekipin e Barletit por Vllaznia nuk është dakord. Shkodranet reagojnë dhe fitojnë setin e tretë në shifrat 25-21 dhe ndeshja hapet. Edhe në setin e katërt gjërat fillojnë mirë për Vllazninë por vetëm deri në rezultatin 7-6 sepse më pas, miket shfryëzojnë përvojën e tyre, e kthejnë rezultatin në favor dhe e ruajnë atë deri në fund duke fituar edhe këtë rezultat me shifrat 25-21 dhe krejt ndeshjen 3-1. Vllaznia kësisoj pëson humbjen e dytë në kampionat megjithatë shpresat janë për një paraqitje më të mirë në ndeshjet e ardhshme.
© shkodrasport.com
