Superliga e volejbollit të meshkujve ka zhvillu ar mbrëmjen e djeshme ndeshjet e vajtjes për fazën para “play off”. Tirana ka hedhur hapin e parë drejt gjysmëfinaleve, teksa mposhti Vllazninë 3- 1 në Farkë.
Një sukses që erdhi me përmbysje për bardheblutë, pasi takimi filloi më mirë për shkodranët, të cilët fituan bindshëm në shifrat 18-25. Edhe seti i dytë nis më mirë për miqtë, por gradualisht Tirana rikuperon, ndërsa pas një loje me rivalitet arrin ta marrë setin 25-22, fraksion që mbyllet me një bllok fitues nga Norgen Baruti.
Pas kësaj bardheblutë e Arben Sakos gjejnë entuziazmin dhe shfaqen dominues në dy setet e radhës, duke i fituar thellë 25- 10 dhe 25-15. Meksikani Isaias Aguirre Gallegos ishte protagonisti i “match point”-it me një bllok fitues në një takim që zgjati 1 orë e 37 minuta.
Ndeshje shumë e mirë nga Fabio Hoxha, autor i 22 pikëve për Tiranën, mbështetur nga Gallegos me 19 pikë. Në sulmin e Vllaznisë asnjë lojtarë nuk mbërriti në dopioshifër pikësh.
Më 4 prill do të jetë radha e gjysmëfinaleve të kthimit kur ne Shkoder do te luhet sfida ne mes Vllaznise dhe Tiranes dhe ne rast fitoreje te kuqebluve te trajnerit Artan Kalaja do te kete edhe nje ndeshje te trete dhe te fundit ne kryeqytet ne mes ketyre dy ekipeve.
