Vllaznia në volejboll për femra arrin fitoren e dytë rradhazi në kampionat. Pasi mundi javën e kaluar Korabin në Shkodër, sot ky ekip ka fituar edhe në Lushnjë ndaj skuadrës vendase. Në fund të takimit është fiksuar rezultati 3-0 në favor të vajzave të drejtuara nga trajnerja Sadije Gogaj.
Ata kanë hasur në rezistencën e vendaseve vetëm në setin e parë që është mbyllur 25-22 në favor të vajzave kuqeblu. Në të dytin ato kanë fituar edhe më thellë, pikërisht në shifrat 25-15 ndërkohë që edhe i treti mbyllet thuajse në të njëjtat shifrat, 25-16. Vllaznia në këtë mënyrë tashmë me dy fitore të arritura, i ofrohet katërshes së ekipeve më të mira, që është edhe objektiv i këtij ekipi në këtë kampionat.
© shkodrasport.com
