Vora ka mundur Burrelin 2-0 duke bërë të mundur kështu kalimin në Abissnet Superiore për sezonin e ardhshëm futbollistik. Skuadra e trajnerit Arjan bellaj e siguron këtë sukses kur duhen edhe dy ndeshje për t’u luajtur në kampionatin e Kategorisë së Parë.
Vora shkruan historinë. Klubi vorak ka siguruar kalimin në Abissnet Superiore për sezonin e ardhshëm futbollistik. Një ngjarje e madhe për këtë skuadër që justifikon kështu mundin dhe djersën e të gjithë futbollistëve dhe trajnerit të tyre. Por fitorja 2-0 ndaj Burrelit, i ka dhënë Vorës edhe titullin kampion të kategorisë së parë.
Nga një gol për secilën pjesë të realizuar nga skuadra e Vorës, duke treguar superioritetin e saj ndaj kundërshtarit. Tri pikët e marra në sfidën ndaj Burrelit bëjnë që Vora të realizojë ëndrrën. Skuadra e trajnerit Bellaj nuk e diskutoi për asnjë çast fitoren ndaj Burrelit.
Në pjesën e parë është (22) Kasalla që shënon për ekipin kampion duke i bërë edhe më forta emocionet e skuadrës drejt arritjes së objektivit.
Në pjesën e dytë është (52) Dalipi që fikson shifrat në 2-0 për Vorën duke bërë kështu realitet ëndrrën. me 76 pikë në krye të renditjes së kategorisë së parë, kundrejt 69 të Flamurtarit të vendit të dytë dhe kur duhen edhe dy javë të mbyllet ky sezon, Vora është tashmë kampione e kategorisë së parë dhe sezonin e ardhshëm do të konkurrojë me më të mirët e futbollit shqiptar.
