Kundershtari i Vllaznise se femrave ne turin e dyte te “UEFA Women’s Champions League”, Vorskla Kharkiv-2 ka zgjedhur te pergatitet ne Barbullush per sfiden e kthimit ndaj ekipit shkodran. Siç eshte bere e ditur, dy ekipet qe ne momentin e hedhjes se shortit, kishin rene dakord qe te dy sfidat te luhen ne Shqiperi, per shkak te situates se krijuar ne Ukraine
Per kete arsye, ekipi i Vorsklas ka mberritur qe te dielen e kaluar ne vendin tone. Ai ka zgjedhur te akomodohet ne ambjentet e “Gardenland Resort” dhe po ashtu t’i zhvilloje edhe seancat stervitore ne fushen sportive te Murlanit.
Ukrainasit kane gjetur nje mikepritje te madhe dhe si rrjedhoje po ndjehen jashtezakonisht mire ketu. Ato do te stervitjen edhe neser ne kete fushe, ndersa te marten sipas rregullores do te zhvillojne seancen stervitore ne stadiumin “Loro Boriçi”, pikerisht nje dite para ndeshjes.
Kujtojme qe sfida e pare mes Vorsklas dhe Vllaznise e luajtur te merkuren e kaluar, u mbyll ne barazim 1-1 duke lene gjithçka te hapur per sfiden e kthimit qe do te luhet te merkuren e ardhshme ne oren 16:00 po ne stadiumin “Loro Boriçi”.
Ekipi ukrainas do te qendroje ne Shqiperi deri te premten, plot 12 dite dhe padyshim qe po e shijon kete pervoje, natyrisht pa e shkeputur per asnje moment vemendjen nga ndeshja e ardhshme ku padyshim qe do te kerkoje kualfikimin ndaj Vllaznise./SHKODRA-SPORT.COM/
