61.3 % e njerëzve që kanë votuar për të thënë se kush është fajtori kryesor i dështimit të Vllaznisë së këtij sezoni, kanë qenë të mendimit se ai është Rudi Vata. 14.9 % kanë dhënë mendimin për Bashkinë Shkodër, po aq edhe për drejtuesit e klubit, 8.3 % i të gjithëve së bashku dhe 0.6 % kanë fajësuar për këtë gjë ish-trajnerin Mirel Josa. Sigurisht që ky është një sondazh që ka zgjatur vetëm 3 ditë dhe në të kanë marrë pjesë 336 vetë. Ne nuk marrim përsipër të themi nëse vërtetë Vata është fajtori për këtë dështim apo situatë. Thjesht ky është një votim. Një votim që nuk mund të manipulohet. Thjesht secili prej atyre që ka dashur të marrë pjesë, ka votuar dhe këtë gjë ka mundur ta bëjë vetëm një herë në ditë.
Asnjë më tepër. kjo tregon se votimi për aq është bërë, është real. Duke dashur të përsërisim edhe njëherë se ky nuk është një tregues që tregon gjithçka. Thjesht, për të marrë mendimet e njerëzve për këtë çështje. Ndoshta ka ndikuar edhe zhurma e ditëve të fundit që u pasua edhe me shkarkimin e Vatës nga posti i trajnerit të Vllaznisë. Ndoshta mendojnë vërtetë kështu. Sigurisht që votimet nuk janë ata që vendosin. Ata që heqin a vënë trajnera. www.shkodrasport.com edhe gjatë janarit ka bërë një sondazh të tillë pikërisht në lidhje me merkaton e zhvilluar gjatë asaj periudhe. Të pyetur njerëzit se kush ishte fajtori kryesor për dështimin e Vllaznisë në merkato, ata në shumicën më të madhe fajësuar trajnerin Vata. Ky i fundit ndoshta na ka keqkuptuar në atë periudhë. Mund ta bëjë edhe tani. Por në fakt koha na dha të drejtë. Ajo merkato ishte e dështuar dhe prej saj, ndoshta e pësoi edhe Vata. A ishte vërtetë ai fajtori? Ndoshta jo por klubi ia faturuar atij. Drejtuesit ndoshta kanë ditur “ta shesin” më mirë këtë disfatë dhe kanë dalë dorëjashtë. Mbase është edhe kështu.
www.shkodrasport.com
